Por Europa Press / Redacción | A Coruña | 17/01/2022 | Actualizada ás 19:00
O complexo hospitalario universitario da Coruña (CHUAC) empezou a reprogramar operacións non urxentes dada a ocupación por pacientes Covid, segundo confirmaron fontes hospitalarias.
No entanto, explicaron que "se reprogramará o necesario" e en función das "dispoñibilidades de hospitalización" existentes. "Pero nunca se atrasarán operacións de prioridade nin urxentes", recalcaron.
Así mesmo, insistiron en que non supón "suspensión". "Mantense a actividade", aseguraron, explicando que supón "priorizar cirurxía oncolóxica e garantida". Tamén priorizar pacientes ingresados e cirurxías sen uso de UCI, así como cirurxías ambulatorias.
Respecto da hospitalización cirúrxica, indicaron, para que para facer sitio no hospital coruñés, ingresaranse pacientes de traumatoloxía no Materno. "Iso é a reprogramación, non significa que non se faga actividade", insistiron, precisando que se fai "a máis compatible coa alta incidencia e ocupación de camas con pacientes Covid".
Nestes momentos, o hospital ten cinco plantas que están dedicadas a atender pacientes con coronavirus, dada a maior incidencia de casos na área sanitaria.
Mentres, a Comisión de Centro do CHUAC convocou para o xoves unha manifestación en demanda de máis persoal e de condicións "dignas" dada a "sobrecarga" de traballo, segundo denunciaron.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.