O óso achado en Porto do Son pertence a un dos mozos desaparecidos nun accidente de kaiak en 2020

Mergulladores do Grupo Especial de Actividades Subacuáticas (GEAS) volverán rastrexar a zona.

Por Europa Press / Redacción | Santiago de Compostela | 18/01/2022 | Actualizada ás 17:14

Comparte esta noticia

O óso achado a finais de novembro por un barco pesqueiro nunha zona de Porto do Son pertence a un dos mozos desaparecidos en xullo de 2020 cando ían nun kaiak. Diso informaron fontes da Garda Civil, que detallan que, tras confirmarse este feito, está previsto que este mércores se despracen de novo mergulladores do Grupo Especial de Actividades Subacuáticas (GEAS) a rastrexar a zona.

Zona de procura de dous desaparecidos tras envorcar un kaiak en Porto do Son
Zona de procura de dous desaparecidos tras envorcar un kaiak en Porto do Son | Fonte: SALVAMENTO MARÍTIMO.

O Instituto de Medicina Legal de Galicia (Imelga) analizou a orixe do óso tras o seu achado o pasado 30 de novembro por parte dun barco pesqueiro que navegaba pola zona na que os mozos desapareceran.

En concreto, a desaparición dos dous mozos remóntase ao 6 de xullo do 2020. O accidente tivo lugar na praia de Coira, na localidade de Portosín, onde tres amigos --dous mozos e unha moza-- facían uso dun kaiak.

Ese mesmo día sobre as 21,30 horas, un particular avisaba ao 112 de que facía tres horas que os novos saíran navegar e non volveran. Tras coñecer os feitos, Salvamento Marítimo mobilizou un dispositivo de procura con medios marítimos e aéreos, ademais de terrestres e subacuáticos.

Os servizos de emerxencia localizaron o día da desaparición o kaiak envorcado e rescataron a moza en terra, tras o cal foi trasladada ao Complexo Hospitalario Universitario de Santiago (CHUS). As outras dúas persoas que viaxaban no kaiak, dous homes, permanecen desde entón en paradoiro descoñecido.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta