Detidos dous homes de Muros por un roubo con intimidación nunha gasolineira do municipio
Os acusados lograron levar 1.200 euros da caixa.
Por Europa Press / Redacción | SANTIAGO DE COMPOSTELA | 19/01/2022 | Actualizada ás 10:01
A Garda Civil detivo a dous homes do municipio coruñés de Muros como presunto autores dun delito de roubo con intimidación nunha gasolineira desta localidade. Segundo informou o Instituto Armado, a Garda Civil do Posto de Muros detivo a dous individuos como presuntos autores dun delito de roubo con intimidación nunha gasolineira "grazas a lacolaboración cidadá e á Policía Local" dese municipio.
Os feitos sucederon o pasado día 12 de xaneiro cando dous homes co rostro cuberto entraron no interior do establecemento da gasolineira e intimidaron á dependente sen portar ningunha arma. Así, lograron que lles abrise a caixa e levaron 1.200 euros.
Tras iso, a Garda Civil iniciou unha investigación co fin de identificar os autores. Como froito do traballo realizado, a Benemérita o pasado día 17 detivo a dous homes veciños da localidade de Muros como presuntos autores dun delito de roubo con intimidación.
A Garda Civil puxo a estes detidos, xunto coas actuacións realizadas, a disposición do xulgado de Instrución de garda de Muros.
