Morre un operario tras caerlle encima unha máquina industrial en Cerceda
O accidente laboral tivo lugar no Polígono de Acevedo.
Por Europa Press / Redacción | SANTIAGO DE COMPOSTELA | 19/01/2022 | Actualizada ás 11:45
Un operario faleceu na mañá deste mércores nun accidente laboral rexistrado ao caerlle encima unha máquina industrial no Polígono de Acevedo, no municipio coruñés de Cerceda.
Segundo a información facilitada polo 112 Galicia a Europa Press, este accidente laboral tivo lugar sobre as 10,10 horas deste mércores cando unha máquina industrial se precipitou sobre un traballador.
Tras iso foron mobilizados o 061, Garda Civil, Protección Civil, Policía Local e os Bombeiros de Ordes para liberar ao traballador, sinalaron as mesmas fontes.
Ao lugar, en concreto, Urxencias Sanitarias de Galicia desprazou unha ambulancia de soporte vital básico e un equipo sanitario de Atención Primaria de Cerceda para atender ao operario, de 36 anos, que faleceu.
