Por Europa Press / Redacción | Vilanova de Arousa | 19/01/2022 | Actualizada ás 18:06
Apenas pasaran uns minutos desde que o establecemento abrira as súas portas cando un individuo encapuchado e que portaba unha pistola irrompeu na tenda de roupa infantil Carpe Diem Kids, situada en pleno centro de Vilanova de Arousa.
O asaltante solicitou á dependenta que lle dese todo o diñeiro da caixa e, tras conseguir unha cantidade que non transcendeu, fuxiu a pé.
Tras ter coñecemento do atraco, varias patrullas e un helicóptero da Garda Civil participaron nun operativo de procura por terra e por aire, sen que de momento se dése co paradoiro do asaltante.
Descoñécese se a arma utilizada era real ou non e tampouco transcendeu o importe que o atracador levou da caixa. Máis aló da subtracción de efectivo e do considerable susto que levou a dependenta, non houbo que lamentar neste suceso ningún outro dano persoal nin material.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.