Tres mortos máis con covid-19 en Galicia, un de 62 anos sen patoloxías previas

As vítimas da pandemia elévanse a 2.861.

Por Europa Press / Redacción | Santiago de Compostela | 19/01/2022 | Actualizada ás 20:57

Comparte esta noticia

As vítimas da pandemia en Galicia elévanse a 2.861 tras falecer este mércores outras tres persoas que foran diagnosticadas con covid-19.

Persoal sanitario atende un paciente de Covid-19 na UCI do hospital Povisa de Vigo
Persoal sanitario atende un paciente de Covid-19 na UCI do hospital Povisa de Vigo | Fonte: Miguel Riopa - Remitida por Povisa.

Segundo informou a Consellería de Sanidade, un destes falecidos é un usuario de 86 anos da Residencia vivenda comunitaria La Paz de Outes (A Coruña) que estaba ingresado no Complexo Hospitalario Universitario de Santiago.

Ademais, morreu un home de 62 anos no Sanatorio La Robleda do Pino (A Coruña) e outro de 90 anos no Hospital Universitario Lucus Augusti (HULA).

Os falecidos presentaban patoloxías previas, excepto o home de 62 anos que morreu no sanatorio La Robleda do Pino.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta