O Colexio de Avogados da Coruña reclama unha "aposta decidida" pola mediación, á que se derivan "poucos casos"
Só os xulgados dos partidos xudiciais da Coruña, Corcubión e Ribeira derivaron asuntos a mediación.
Por E.P. | A CORUÑA | 21/01/2022 | Actualizada ás 13:58
O Colexio de Avogados da Coruña pediu ás administracións e axentes do ámbito xudicial unha "aposta decidida" pola mediación "como método para que a resolución de conflitos sexa real e efectiva".
Faino con motivo do Día Europeo da Mediación que se celebra este venres. "Fálase da mediación como unha solución para os problemas da Xustiza, colapsada e con atrasos de anos para a celebración de xuízos, pero na práctica non se está apostando por ela", sinalan desde a entidade. Así, apuntan que se derivan "moi poucos casos a mediación e hai partidos xudiciais nos que non se realiza ningunha en todo o ano", engaden
Por outra banda, indica que no último ano, na circunscrición do Colexio de Avogados da Coruña, só os xulgados dos partidos xudiciais da Coruña, Corcubión e Ribeira derivaron asuntos a mediación.
Entre o tres, tramitáronse 270 expedientes, a maior parte, o 85% en familia. O 15% restante desenvolveuse en materia penal, practicamente de maneira exclusiva no partido de Ribeira.
