Cinco mortos máis elevan a 2.873 as vítimas da pandemia en Galicia
A morte doutro cinco persoas que foran diagnosticadas coa covid en Galicia eleva as vítimas da pandemia a 2.873.
Por Europa Press / Redacción | Santiago de Compostela | 21/01/2022 | Actualizada ás 20:35
As mortes doutras cinco persoas que foran diagnosticadas coa covid-19 en Galicia elevan as vítimas da pandemia a 2.873.
Segundo informou a Consellería de Sanidade, dous destes falecementos producíronse o día 19. Trátase dun home de 87 anos que faleceu no seu domicilio da área sanitaria da Coruña e Cee e doutra muller de 89 anos que estaba ingresada no Complexo Hospitalario Universitario de Ourense.
Ademais, na xornada do xoves perdeu a vida unha muller de 87 anos na Residencia San Martiño de Nogueira de Ramuín, unha muller de 99 anos no Hospital da Mariña e un home de 75 no Complexo Hospitalario Universitario de Vigo (CHUVI).
As cinco persoas falecidas presentaban patoloxías previas.
