O Congreso avala, coa abstención do BNG, a prórroga de rebaixas fiscais á luz e incentivos ao autoconsumo
Por E.P. | Madrid | 25/01/2022 | Actualizada ás 21:01
O Pleno do Congreso convalidou este martes o decreto lei que prorroga as rebaixas fiscais aplicadas á electricidade para conter a escalada na factura da luz e unha batería de medidas en materia enerxética para o fomento do autoconsumo, incentivos aos puntos de recarga ou flexibilidades para a industria consumidora de gas.
En vigor desde a súa publicación no BOE, o pasado 21 de decembro, como cada decreto debe someterse a votación no Congreso no prazo dun mes para ser convalidado ou, en caso de non contar con apoios, ser derrogado.
Ademais de PSOE e Unidas Podemos, o Goberno contou cos votos de Esquerra Republicana, Ciudadanos, o PNV, EH-Bildu, Más País-Equo, Compromís, o PRC, Coalición Canaria e Teruel Existe. Abstivéronse o PP, Vox, a CUP, UPN e o BNG, mentres que Foro Asturias votou en contra.
Así mesmo, os grupos aprobaron tramitar o decreto como proxecto de lei, abrindo a posibilidade de introducir cambios na Cámara Baixa a través de emendas.
