Denunciado un veciño de Ourense tras escaparlle o cabalo até unha estrada
A Garda Civil retirou o equino tras comprobar que "puxera en perigo a varios vehículos".
Por E.P. | SANTIAGO DE COMPOSTELA | 27/01/2022 | Actualizada ás 12:27
A Garda Civil de Ourense retirou un cabalo da estrada nacional N-525 que escapou dunha leira lindeira e "puxo en perigo a varios vehículos", cuxos condutores tiveron que facer manobras evasivas para evitar accidentes. Así o informou o Instituto Armado, que relatou que na mañá deste mércores unha patrulla do Subsector de Tráfico da Garda Civil de Ourense retirou un cabalo da N-525 que se escapou dunha leira e que irrompeu na calzada.
En concreto, o cabalo foi localizado preto dun concesionario de camións que está no polígono de San Cibrao das Viñas, próximo á rotonda para enlazar coa autovía A-52. Os gardas civís que interviñeron localizaron ao dono do equino e trasladaron ata a súa propiedade ao animal. Ademais, denunciaron ao propietario por deixalo sen custodia nas proximidades dunha vía pública.
A actuación dos gardas civís, subliña a Benemérita, "evitou un potencial sinistro viario que podería ter tráxicas consecuencias", como xa se constatou, engade, "nalgúns nos que se viron involucrados animais de gran volume", como cabalos, cervos e vacas, entre outros.
