Por Europa Press / Redacción | SANTIAGO DE COMPOSTELA | 28/01/2022 | Actualizada ás 17:38
Cada provincia galega contará cunha oficina de atención ás vítimas de agresións sexuais, que poderán recibir nestes centros acompañamento e asesoramento ás mulleres que sufran ou padecesen este tipo de violencia.
A creación destes centros, que suporá un desembolso de 5 millóns de euros duarente este e o próximo ano, foi avanzada pola conselleira de Emprego e Igualdade, María Jesús Lorenzana, durante o pleno do Observatorio Galego de Violencia de Xénero, celebrado este venres.
Alí detallou que a Administración autonómica elabora nestes momentos un estudo diagnóstico para implantar estes servizos, que se despregarán polo catro provincias galegas en localizacións aínda por definir, aínda que se localizarán nas grandes áreas de poboación da comunidade.
Estes centros brindarán atención "integral e multidisciplinar" ás vítimas de violencias sexuais. Segundo o Goberno galego, na actualidade só Madrid e Asturias dispoñen de servizos similares en funcionamento.
As oficinas prestarán acompañamento e realizarán intervencións psicolóxicas ou sociais de forma presencial, en liña e telefónica a todas as vítimas e sobreviventes que sufrisen violencia sexual no pasado ou no presente. A axuda chegará tamén aos seus familiares que o necesiten ou as persoas da súa contorna íntima.
GUÍA DE CONSULTA DE TRATA
Por outra banda, durante o pleno do observatorio tivo lugar a presentación da guía sobre a trata de persoas con fins de explotación sexual, que busca converterse nunha referencia "para axudar a coñecer esta problemática social, as súas consecuencias e promover pautas de actuación ante a identificación de posibles situacións deste tipo".
O documento recolle 39 recomendacións para enfrontar esta secuela desde o ámbito xurídico, sanitario, social, educativo, mediático e de seguridade. En declaracións difundidas ao termo do pleno, Lorenzana apelou a combater esta problemática, que constitúe "unha profunda violación dos dereitos humanos, da dignidade e da liberdade da persoa".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.