Jácome xa é deputado provincial

O presidente da Deputación desexoulle "moitos éxitos".

Por Europa Press / Redacción | Ourense | 28/01/2022 | Actualizada ás 20:43

Comparte esta noticia

O rexedor de Ourense, Gonzalo Pérez Jácome, tomou posesión como deputado provincial no pleno ordinario deste venres, de forma que asume a acta que anteriormente pertencía a Miguel Caride, integrante de Democracia Ourensana que dimitiu a finais de 2021.

Pleno da Deputación de Ourens
Pleno da Deputación de Ourens | Fonte: Europa Press

O pleno deu comezo coa toma de posesión do alcalde como novo deputado provincial, un momento no que xurou o cargo. O presidente provincial, Manuel Baltar (PP), desexoulle "moitos éxitos", pero a partir de aí Jacome non tivo máis protagonismo.

Desde 2019 non formaba parte dun pleno da Deputación Provincial e no deste venres non tomou a palabra en ningún momento. Esta sesión plenaria tivo a novidade de contar por primeira vez en 200 anos de funcionamento da institución cun intérprete de signos.

Así, Democracia Ourensana mantivo a disciplina de voto do goberno provincial en todos os puntos debatidos na sesión, á cal levaban dúas mocións sobre a distribución de fondos.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta