A Xunta representará os intereses das CCAA en materia de emprego nos debates das UE
Recolle así un labor que viña desempeñando Castela a Mancha.
Por E.P. | SANTIAGO DE COMPOSTELA | 01/02/2022 | Actualizada ás 12:34
Galicia coordinará durante o próximos seis meses no Consello da Unión Europea os intereses das comunidades autónomas en materia de emprego, asuntos sociais e igualdade, un labor na que recolle a quenda de Castela a Mancha. A secretaria xeral de Igualdade, Susana López Abella, e a directora xeral de Emprego, Traballo Autónomo e Economía Social, Covadonga Toca, asistiron o pasado luns por videoconferencia ao acto de traspaso desta representación que ostentará Galicia durante a primeira metade de 2022.
A comunidade actuará como coordinadora ante o Consello da UE, institución que reúne aos 27 Estados membros para negociar e adoptar a lexislación comunitaria, na maioría de casos xunto co Parlamento Europeo. En materia de emprego e política social, este órgano coordina, ademais, as políticas nacionais, elaborando directrices e recomendacións anuais aos países da unión.
Este semestre, o Consello da UE presídeo Francia, país que asume como obxectivos o impulso da competitividade europea, mediante o fomento dun novo modelo de crecemento que ofreza aos traballadores empregos de calidade, cualificados e mellor remunerados. A este respecto, debátense no seu seo dúas propostas de directrices para asegurar uns salarios mínimos adecuados na UE e para mellorar as condicións dos traballadores das plataformas dixitais, así como dúas recomendacións sobre as chamadas 'contas de aprendizaxe individuais' e sobre o impacto social e laboral da transición climática.
En materia de Igualdade, o órgano europeo negocia unha directriz para garantir a igualdade de retribución por un mesmo traballo e outra sobre a representación feminina nos consellos de administración das grandes empresas.
