Por E.P. | Santiago de Compostela | 01/02/2022 | Actualizada ás 20:32
A Xunta lamentou que o Goberno central, tras "negarse" a desenvolver coas comunidades un modelo de xestión do deseño previo do Plan Moves, trate agora "de buscar escusas para xustificar os motivos" polos que a segunda edición desta convocatoria non esgotou o crédito orzamentario.
E fronte ás críticas recibidas por parte do delegado do Goberno en Galicia, José Miñones, replicou que "non se trata dun problema de tramitación das solicitudes".
Segundo a Xunta, o que sucede é que "as condicións" marcadas polo Goberno para acceder a estas axudas provocaron que particulares e empresas "desistisen de presentar a súa petición".
Esta situación, segundo traslada o Executivo autonómico, "contrasta co éxito do actual programa Renove Automoción deseñado pola Xunta da man do sector".
Neste caso, lembrou que o crédito para as solicitudes de particulares (2,1 millóns) esgotouse aos dous días da súa apertura, quedando só dispoñibles agora mesmos fondos para as empresas. Por este motivo, conclúe que desde que se abriu a convocatoria o 17 de xaneiro recibíronse máis de 1.200 solicitudes.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.