Ángeles Vázquez deféndese de ter bloqueado a votación da moratoria eólica atacando a organizacións ambientais

A conselleira de Medio Ambiente, Territorio e Vivenda, Ángeles Vázquez, lembrou que as moratorias na tramitación de novas licenzas de parques eólicos non son competencia da Xunta, senón do Ministerio para a Transición Ecolóxica e o Reto Demográfico.

Así o puntualizou Vázquez en rolda de prensa tras ser preguntada pola polémica que xurdiu despois da última reunión do Consello Galego de Medio Ambiente e Desenvolvementos Sostible (Cogamads), na cal algúns dos alí presentes querían debater e votar unha proposta de varias organizacións ambientais para pedir unha moratoria na tramitación de novas licenzas de parques eólicos. Neste sentido, a titular de Medio Ambiente explicou que no encontro había dous puntos na orde do día, que foron tratados e debatidos, pero despois algúns dos alí presentes querían falar doutros temas.

"Un dos temas non tiña sentido. Primeiro non estaba na orde do día (a moratoria dos eólicos) e en segundo lugar é que non lle compete nin á Concellería de Medio Ambiente nin á Xunta. A moratoria dos eólicos e a planificación tanto de eólicos como de enerxía compételle ao Ministerio de Transición Ecolóxica", subliñou.

Por iso, "non había nada que votar", xa que "é imposible" porque non estaba na orde do día. "E eu despedinme e a partir de aí queda algunha organización coa secretaria e dinlle que queren votar. É imposible votar porque non había nada que votar. É un sen sentido e pídolle a esas organizacións que traballen por e para Galicia", engadiu. A pesar diso, Vázquez comprometeuse a trasladarlle ao Ministerio aquelas consideracións que fixeron ditas organizacións sobre o tema dos eólicos.

No centro, a conselleira de Medio Ambiente, Territorio e Vivenda, Anxos Vázquez.. PEDRO DAVILA-EUROPA PRESS | Fonte: Europa Press