Por Galicia Confidencial | Compostela | 13/02/2022 | Actualizada ás 21:00
Tras case dous anos convinvindo coa Covid, as visitas pediátricas (e sobre todo as visitas a urxencias) reducíronse. Así o traslandan dende DosFarma, a farmacia en liña española líder no mercado, que concretan que as consultas pediátricas baixaron un 50% e as urxencias un 65%. "Máis de dous terzos das visitas ao hospital non son urxentes e pódense evitar, pero normalmente os pais primerizos preocúpanse con calquera choro do bebé e ante a dúbida van a urxencias", sinalan.
E entre o que máis asusta aos pais están os choros inconsolables dos recentemente nados, normalmente debidos a necesidades "normais" como fame, frío, soño ou que toca cambio de cueiro. Tamén debido aos denominados "cólicos de lactante", pero só o 5% dos choros se deben a enfermidades. O cólico do lactante é un episodio de pranto inconsolable que se inicia subitamente e que se dá en menores de catro meses. Normalmente é vivido polos pais con gran angustia e desolación e cumpre a "regra do tres": os episodios ocorren durante máis de 3 horas ao día, polo menos tres días á semana e durante tres semanas. Pero, ademais desta regra, os expertos de DosFarma dan unha serie de consellos para saber identificalos.
Estes cólicos duran longos períodos de tempo (e acontecen normalmente á mesma hora, entre as 6 da tarde e as 12 da noite), aparentemente o bebé non mostra ningún síntoma de enfermidade pero si semella irritable ou molesto, amosa rixidez no abdome e no tronco, encolle as pernas e aperta os puños, ponse vermello, espértase con moita facilidade e ten maior dificultade para durmirse e cústalle tranquilizarse con estímulos que noutro momento si lle relaxan.
Segundo apuntan dende DosFarma, non hai ningún tratamento que faga remitir os cólicos e iso adoita ser moi frustrante para os seus proxenitores. Pero hai formas de aliviar ao bebé e "facer que a vida sexa máis sinxela tanto para el como para os pais". Os expertos de DosFarma dan unha serie de consellos aos pais para afrontar esta situación. Algúns deles son: estar acougados, collelo en brazos e arrolalo boca abaixo, facilitar que expulse en gases,
darlle para comer na postura correcta, coidar a súa alimentación, prepararlle un baño para relaxalo, poñerlle calor na tripa, darlle unha volta en coche, ou manter contacto pel con pel para acougalo.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.