Por E.P. | Santiago de Compostela | 15/02/2022 | Actualizada ás 19:51
O PSdeG demandou explicacións á Xunta polo apoio do Xacobeo 21-22 á gravación dun programa radiofónico do locutor Federico Jiménez Losantos que se publicita cun cartel no que se emprega o topónimo deturpado "Sangenjo", en referencia á localidade pontevedresa Sanxenxo.
A deputada Noa Díaz avanzou a presentación dunha batería de iniciativas nas que se demanda ao Goberno galego que clarifique o grao de implicación do Xacobeo na organización deste acto.
Para Díaz, é "inaceptable que o Goberno galego sexa partícipe destes malos tratos" ao galego, "tanto por non someter a control toda a publicidade sufragada con fondos públicos como para non actuar unha vez coñecido este atentado" á toponimia de Galicia.
Así, lamenta a falta de actuación da Xunta ante o que considera "unha clara deturpación" da toponimia galega que considera "máis grave ao contar con financiamento da Xunta, concretamente do Xacobeo".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.