O Sergas reduce a 14 os puntos de test de antíxenos para asintomáticos

A Consellería de Sanidade informou de que se manteñen abertos 14 puntos para realizar test de antíxenos gratuítos, destinados á poboación asintomática, que poden pedir cita previa para realizarse a proba na web específica de coronavirus da Xunta.

Isto supón unha redución de puntos tras a apertura, en decembro, de 23 unidades para a realización de probas, incluídas as estacións de viaxeiros --aeroportos, trens, autobús--. Os puntos que se manteñen son os seguintes:

-- Área sanitaria da Coruña-Cee: covidauto de Ventorrillo, á beira do centro de saúde. De 14 a 21 horas, con autocitación.

-- Área sanitaria de Lugo-A Mariña: delegación territorial de Sanidade en Lugo (luns, mércores e venres de 15,30 a 20,30 horas). Auditorio Carmen Estévez de Vilalba (xoves, de 16 a 19,30 horas). Casa da Cultura de Sarria (martes de 16 a 19,30 horas). Casa do Mar de Burela (de luns a sábado de 9 a 14 horas). Hospital Monforte de Lemos (venres de 15 a 20 horas).

-- Área sanitaria de Ourense-Verín-O Barco: Espazo Xove Ourense (de luns a venres, de 15,30 a 20,30 horas). Hospital Público de Verín, autocovid (de luns a venres, de 15,30 a 20,30 horas). Hospital do Barco, zona de rehabilitación (de luns a venres, de 15,30 a 20,30 horas).

-- Área sanitaria de Pontevedra-O Salnés: recinto feiral de Pontevedra, con autocitación, (de martes a venres de 15,30 horas a 20,40). Sala de exposicións do Auditorio de Vilagarcía, con autocitación (luns, mércores e venres de 15,30 a 20,40 horas).

-- Área sanitaria de Ferrol: Ludoteca Praza de España (de luns a venres, de 15 a 21 horas).

-- Área sanitaria de Santiago-Barbanza: Auditorio Vidal Bolaño, campus sur (de luns a domingo, de 14 a 20,00 horas).

-- Área sanitaria de Vigo: Náutico (de luns a domingo, de 8,30 a 14,30 e de 15,30 a 20,30 horas).