Por E.P. | SANTIAGO DE COMPOSTELA | 18/02/2022 | Actualizada ás 20:44
O deputado do BNG no Congreso, Néstor Rego, presentou este venres no Congreso as alegacións do Bloque Nacionalista Galego ao Parque de Eólica Mariña Nordés e manifestou o rexeitamento a un proxecto que "suporía a perda de miles de postos de traballo no sector pesqueiro galego e un grave dano ambiental".
Os nacionalistas aseguraron que este parque eólico afectará a "entre 268 e 280 quilómetros cadrados de costa fronte ás comarcas de Ferrol, Ortegal e A Coruña, e afectaría a 30 caladoiros fundamentais".
Néstor Rego reclamou ao Ministerio para a Transición Ecolóxica que non autorice a construción deste parque eólico mariño porque "se pon en risco a biodiversidade da nosa costa, os seus valores ambientais e a capacidade produtiva dos caladoiros afectados".
Xunto ao deputado no Congreso compareceu a deputada no parlamento galego Rosana Pérez, que insistiu en que o Goberno de España "non pode levar a cabo nin este parque eólico nin ningún outro ata que non se aprobe o Plan de Ordenación dos Espazos Mariños". Ademais, tamén recriminou o "silencio" que considera mantén o goberno galego ante este tema.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.