Por Europa Press / Redacción | SANTIAGO DE COMPOSTELA | 20/02/2022 | Actualizada ás 16:15
O conselleiro de Cultura, Román Rodríguez, agradeceu ao grupo musical Tanxugueiras a súa contribución a "a proxección internacional do galego" tras o seu paso polo Festival de Benidorm.
No marco dos actos que a Xunta organiza para celebrar o 'Día Internacional da Lingua Materna', Román Rodríguez asegurou que a participación de Tanxugueiras no certame de Benidorm supuxo unha "onda de orgullo pola nosa lingua, a nosa música e a nosa tradición". Ademais, destacou que ese "orgullo" está a calar especialmente entre os máis novos.
O titular de Cultura tamén destacou que a actuación do grupo galego demostrou que "empregando o galego podemos chegar a todos os públicos, tanto de España como de Europa e do resto do mundo".
A Cidade da Cultura acolleu este domingo o acto principal co que a Xunta conmemora o 'Día Internacional da Lingua Materna', que este ano pon o foco no "uso das tecnoloxías", segundo informou a administración autonómica nunha nota de prensa.
O acto, presentado pola xornalista do programa da TVG 'DígochoEu', Esther Estévez, contou coa presenza duns 800 asistentes que puideron gozar dunha actuación das Tanxugueiras.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.