Lito, o coñecido como "rei das orquestras" precipítase dunha ponte en Poio

Ángel Martínez Pérez,  Lito o "rei das Orquestras", como se lle coñecía no mundo do espectáculo, faleceu na mañá deste xoves ao precipitarse dende a ponte da Barca á autoestrada AP-9, no municipio pontevedrés de Poio. Axentes da Garda Civil de Tráfico acudiron ao lugar do suceso para xestionar a circulación nesa zona da autoestrada, onde pararon varios vehículos na beirarrúa con luces acesas, mentres que os axentes saltaron o valo e localizaron o corpo do home.

O empresario, de 58 anos, levaba anos con problemas xudiciais derivados de acusacións contra a Facenda Pública. Segundo as primeiras investigacións, todo apunta a un suicidio. Ademais, nos últimos meses o empresario padecía tamén graves problemas de saúde ao estar aqueixado dunha enfermidade neurolóxica dexenerativa.