Medios aéreos e terrestres traballan para extinguir un incendio de Nivel 1 próximo a Galicia

Localízase entre as localidades zamoranas de Lubián e Pías.

Por Europa Press / Redacción | ZAMORA | 26/02/2022 | Actualizada ás 15:22

Comparte esta noticia

Medios aéreos e terrestres traballan nos labores de extinción dun incendio rexistrado a última hora da tarde do venres entre as localidades zamoranas de Lubián e Pías, próximas á fronteira con Galicia.

A Junta de Castela e León sinalou que o lume foi declarado de Nivel 1 na mañá deste sábado por necesitar máis de 12 horas para ser controlado pero "evoluciona de forma favorable".

Pola súa banda, segundo informou a Asociación de Traballadores das BRIF a través do seu perfil en Twitter, interviñeron no terreo un total de 18 bombeiros forestais das bases de Laza e Tabuyo, ademais de senllos helicópteros e medios do Plan Infocal.

En Castela e León continúa ata o vindeiro xoves, 3 de marzo, a declaración de perigo medio de incendios forestais dada a continuidade da situación meteorolóxica dos últimos meses. É a cuarta prórroga que se produce desde a primeira declaración o pasado 3 de febreiro.

Incendio en Lubián (Zamora).. BRIF TABUYO
Incendio en Lubián (Zamora).. BRIF TABUYO | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta