Galicia comeza o ano cun aumento do 250% nas mortes por accidentes de tráfico
Pasouse de dous falecidos en xaneiro de 2021 aos sete deste ano.
Por Europa Press / Redacción | SANTIAGO DE COMPOSTELA | 02/03/2022 | Actualizada ás 14:46
Galicia rexistrou un aumento do 250% en mortalidade na estrada durante o pasado mes de xaneiro, segundo os datos que publicou este mércores a Dirección General de Tráfico (DGT) sobre accidentes mortais en vías interurbanas de Galicia durante o primeiro mes do ano.
En xaneiro producíronse sete accidentes mortais fronte aos dous recollidos nos datos de xaneiro de 2021. En comparación con 2019, foron case o dobre, xa que entón houbo catro vítimas na estrada. Por provincias, A Coruña contabilizou o maior número deste tipo de accidentes con catro, seguida de Lugo con dous e Pontevedra, onde só se rexistrou un. Ourense é a única provincia galega na que non se produciu ningunha vítima mortal na estrada durante o mes de xaneiro.
En canto aos tipos de accidente, as saídas da vía son os máis frecuentes, con catro accidentes rexistrados. Por outra banda, os atropelos foron dous do sete incidencias ocorridas na comunidade galega. Sobre as vítimas destes contratempos, os datos da DGT mostran que tres delas eran persoas maiores de 65 anos e tan só una das vítimas tiña menos de 25 anos.
