Por E.P. | Madrid | 08/03/2022 | Actualizada ás 18:45
O Consello de Ministros formalizou este martes a retirada do recurso presentado polo Goberno central ante o Tribunal Constitucional contra a reforma da lei galega de saúde ao alcanzar no mes de xullo un acordo coa Xunta na parte de vacinación.
Foi en xullo de 2021 cando se anunciou que a Xunta de Galicia e o Goberno central chegaran a un pacto sobre vacinación, o que abría a porta a retirar o recurso de inconstitucionalidade contra esta norma.
O Tribunal Constitucional chegou mesmo a levantar a suspensión (no ámbito das medidas cautelares) de todos os preceptos que foran recorridos polo Executivo central agás o apartado relativo á vacinación. A Xunta sempre defendeu que a redacción da súa lei non implicaba facela "obrigatoria", pero o Goberno tiña dúbidas sobre a constitucionalidade deste punto.
Agora, segundo defende o Goberno, o novo texto axústase ao acordo alcanzado, deixando a salvo o carácter voluntario da vacinación con carácter xeral e "sempre de acordo" co establecido pola Administración Xeral do Estado no exercicio das súas competencias de coordinación xeral da Sanidade, na estratexia estatal de vacinación vixente en cada momento e no marco do que determine o Consello Interterritorial do Sistema Nacional de Saúde.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.