Por admin | GC ABERTO | 12/03/2022
Afirmaba un patrón na radio galega que “Noruega coa venda de salmón na UE, ingresaba
miles de millóns de € 1 . Que lle importa a esta xente gastar 20-30 millóns € para formar un
lobbi do salmón en Bruxelas e silenciar as críticas pola sobrepesca sobre a xarda do Atlántico
para facer fariña co que alimentalos salmóns? E engadía “Como imos competir nós contra iso,
aínda por riba cun goberno resgatado por Bruxelas?”.
Isto ben a conto do conflicto na Ucraína. Aínda é recente para dar cifras, mais non é de
estrañar as inmensas gañancias que obterán os monopolios que se beneficiarán co
desprazamento das exportacións do petróleo e do gas ruso; así como pola venda de
armamento. Ganancias que reportarán unha solvencia aos de sempre coas que impoñerán
novamente as súas normas a estados soberanos, especialmente naqueles altamente
dependentes da importación dos combustíbeis foseis.
De feito, recentemente a Comisaria de Enerxia da UE recoñecía que os prezos da enerxía
se debían á alza nos prezos do gas. Recoñecía ademáis que esta alza dos prezos suporían un lastre a curto prazo para o desenvolvemento económico na UE da pos-pandemia. Logo, por que se despreza o gas de Siberia cun prezo que rondaría os 2´8 €/m 3 , polo gas licuado dos EE.UU, que rondaría os 6´7 €/m 3 ?. Ú-lo libre mercado?
En segundo lugar, a UE asinou o Pacto Verde, o Acuerdo de París, o Protocolo de Montreal,… contra as emisións de CO2 e de metano á atmósfera. Emisións estas que obviamente irán en aumento da man dun maior tráfico marítimo e do gas esquisto provinte da práctica do fracking. En último lugar, supón un erro no xeo-político ao elevar a dependencia exterior a un só proveedor, enemistándose cun potencial socio como é Rusia, máxime cando este país ten a alternativa de colocar excedentes de gas e petróleo nos mercados asiáticos.
Mais a orde mundial veu definida após a II GM da man do Plan Marshall. A OTAN é un instrumento útil para os EEU.UU. e nunca desaparecerá. Trala comunista seguiulle a islamista- yihadista, e logo viu a amaeza chinesa. EE.UU. leva anos promovendo a rusofobia co gallo de manter a atmósfera do medo no mundo. As sancións polo incorporación de Crimea, o boicot á vacina Sputnik, os apoios mediáticos a Navali, as ampliacións da OTAN, … son máis que probas.
A parte dos beneficios económicos, para EE.UU. os conflictos bélicos permítenlle desviala atención das graves tensións internas. A cuestión racial, a calamitosa saída de Afganistán, a guerra civil que mantén cos republicanos, o despilfarro militar, o aumento do descontento social que virá coa alza nos prezos e o desemprego, pasan a un segundo plano ao prender a mensaxe nun chovonismo hipócrita.
Vénme á cabeza aquela reflexión do soldado John Rambo ao Coronel Truman, cando denunciaba que na guerra de Vietnam manexaba máquinas de guerra valoradas en millóns de $, mentras unha vez xa de volta no seu país, non conseguía atopar traballo nin delimpacoches. 2
1 ) EUMOFA´20. Comisión Europea.
2 ) “Acorralado” (Ted Kotcheff; 1982)
Xose Rios Cidrás; Poio.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.