Por E.P. | SANTIAGO DE COMPOSTELA | 09/03/2022 | Actualizada ás 21:18
O investigador Luís Cuntín (Santiago de Compostela, 1960) saca a luz o seu primeiro poemario, 'O caderno de Daia', publicado por Chan da Pólvora na súa colección Ons. Está editado en colaboración coa Xunta. O libro, iniciado en febreiro de 1975, cando o autor coñeceu en Redondela unha compañeira de estudos, atrasouse máis de 30 anos en completarse e outros 14 anos en publicarse.
Durante este tempo, Cuntín foi dirixindo aos poucos os seus poemas cara á persoa sublimada máis que á persoa que os inspirou. Así, non se trata dunha autobiografía, senón que "a escritura e a vida poden fundirse como a tinta de papel", explica o editor da obra, Antón Lopo.
Luís Gustavo Cuntín Docampo dedícase á investigación desde unha perspectiva sociolóxica, despois de ser director técnico de Obradoiro de Socioloxía de 1998 a 2013 e profesor asociado na Facultade de Ciencias Políticas e Sociais da USC. Este é o seu primeiro poemario publicado, aínda que previamente colaborou frecuentemente co poeta Arturo L. Regueiro.
O secretario xeral de Política Lingüística, Valentín García, participou na presentación, onde subliñou "o papel fundamental" que Chan de Pólvora "está a ter na visibilidade de autores e autoras dos últimos anos".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.