Por E.P. | Ourense | 15/03/2022 | Actualizada ás 20:14
O Concello de Ourense proporalle á Universidade Española de Educación a Distancia (UNED) que o edifico do antigo cárcere da rúa do Progreso sexa a súa nova sede na cidade.
Así o trasladou o alcalde, Gonzalo Pérez Jácome, que retoma esta idea coa vontade de darlle un novo uso a este inmoble público, de titularidade municipal, mediante unha rehabilitación que contribúa a dinamizar a contorna no que se atopa, despois de que a Deputación rexeitase a posibilidade de realizar oficinas administrativas nese inmoble.
Por iso, tal como recolle o Concello nun comunicado, Pérez Jácome convocará aos responsables da UNED a unha reunión para trasladarlles esta proposta de forma que o edificio sexa a nova sede na cidade da entidade formativa.
"Contratamos o anteproxecto de rehabilitación do edificio e simplemente temos que definir cal vai ser o seu uso", indicou o rexedor ourensán, explicado que a primeira opción sería trasladar a UNED, que agora está "un pouco deslocalizada" na zona do Pino.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.