Integrantes do Equipo de Investigacións Políticas da USC recollen 47 refuxiados ucraínos na fronteira con Polonia
O grupo está formado por tres profesoras da facultade de Ciencias Políticas da Universidade de Santiago de Compostela, acompañadas polo alcalde de Ares, Julio Iglesias, dous bombeiros voluntarios de Santiago de Compostela e un membro de Protección Civil.
Por E.P. | SANTIAGO DE COMPOSTELA | 15/03/2022 | Actualizada ás 20:51
Membros do Equipo de Investigacións Políticas da Universidade de Santiago de Compostela viaxaron esta semana en autobús ata a fronteira de Polonia, en concreto ata a cidade de Rzeszow, a100 quilómetros da fronteira ucraína, para recoller refuxiados procedentes de Leópolis.
O grupo está formado por tres profesoras da facultade de Ciencias Políticas da Universidade de Santiago de Compostela, acompañadas polo alcalde de Ares, Julio Iglesias, dous bombeiros voluntarios de Santiago de Compostela e un membro de Protección Civil.
O autobús, fretado polo Equipo de Investigacións Políticas en colaboración coa empresa Monbús e a ONG AGA-Ucraína, chegou este luns a Polonia e está previsto que regrese a Santiago este mesmo xoves tras percorrer os máis de 3.000 quilómetros que separan Rzeszow de Santiago de Compostela.
As participantes nesta viaxe expresaron que entre os obxectivos desta acción tamén está entregar cinco toneladas de material humanitario, que será enviado a Ucraína e a atender ás necesidades dos refuxiados en Polonia.
