13 persoas identificadas por mexar e beber na vía pública en Santiago a fin de semana

Axentes da Policía Local identificaron este pasado fin de semana a oito persoas por consumir alcol na vía pública e a cinco por ouriñar na rúa en Santiago de Compostela.

Segundo informou a Policía Local, na noite do sábado ao domingo pasado axentes tramitaron tres propostas de sanción por ouriñar na rúa na capital galega. A elas súmanse outras dúas propostas de sanción na noite do venres ao sábado tamén por ouriñar na vía pública na cidade compostelá.

Por outra banda, na noite do pasado sábado ao domingo a Policía Local de Santiago identificou a oito persoas por consumir alcol na vía pública.

Botellón | Fonte: Arquivo.