Por E.P. | SANTIAGO DE COMPOSTELA | 21/03/2022 | Actualizada ás 20:49
O conselleiro do Medio Rural, José González, volveu a demandar ao Goberno Central que habilite "corredores seguros" para garantir a chegada de suministración ás fábricas e a saída de produtos para asegurar a recollida de leite nas granxas.
José González reuniuse este luns con representantes de 16 industrias lácteas galegas para abordar a súa situación ante o paro do transporte e sinalou que "teñen toda a vontade de recoller o leite". Por iso, insistiu en demandarlle ao Executivo de Pedro Sánchez que habilite "corredores seguros" porque estas empresas tamén necesitan sacar os seus produtos e que entren materiais para facer o envasado.
Neste sentido, González cualificou a situación de "moi complicada" e detallou que a clave é que se permita que se mova a cadea alimentaria galega porque hai "risco de colapso". Nesta mesma liña, lamentou que agora mesmo se fala do leite, pero en breve haberá que falar de animais porque nos matadoiros comeza a haber problemas para sacar aos animais e xa se frean os sacrificios.
Así mesmo, apelou aos diferentes responsables para que senten a negociar e a falar cos transportistas. O conselleiro manifestou que respectan as demandas do colectivo do transporte, pero piden ao Ministerio de Transportes que abra unha "liña de diálogo" para desbloquear unha situación "moi preocupante".
Preguntado sobre a cantidade de leite que tiveron que tirar ata o momento os gandeiros galegos, José González evitou concretar unha cifra, aínda que sostivo que "aínda non é excesiva", pero pódese volver "inasumible" nos próximos días.
FIN DA VENDA A PERDAS
Por outra banda, a pesar de que José González deixou claro que agora o inmediato é desbloquear a situación do transporte, o seguinte será pór encima da mesa que "non se pode manter un sector gandeiro a perdas".
O conselleiro asegurou que xa lle trasladaron ao Ministerio que dirixe Luís Planas que se convoque, a nivel nacional, unha reunión na que participen industria, distribución e gandeiros, para chegar "canto antes" a un acordo en toda España de subida inmediata dos prezos de venda dos produtos dos gandeiros.
Neste sentido, recoñeceu que o sector gandeiro en Galicia atópase nestes momentos nunha situación xeneralizada de venda a perdas. Por iso, insistiu en que é necesario que se cumpra a Lei de Cadea Alimentaria, que prohibe que se realice esta práctica.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.