Aumentan a 342 os casos de Covid en residencias de maiores
A área Sanitaria de Ourense, Verín e O Barco é a que máis casos ten.
Por Europa Press / Redacción | SANTIAGO DE COMPOSTELA | 23/03/2022 | Actualizada ás 14:13
Os casos activos de Covid-19 nas residencias de maiores e de persoas con discapacidade en Galicia aumentaron ata os 342 a 23 de marzo, que supoñen 14 máis que os 328 rexistrados o mércores pasado --día 16-- na Comunidade galega.
Así se reflicte nos datos actualizados este mércores pola Consellería de Política Social, recollidos por Europa Press, que facilita unha vez por semana e agora unicamente por área sanitaria e en conxunto entre centros de maiores e de discapacidade.
Con máis casos activos mantense a área Sanitaria de Ourense, Verín e O Barco de Valdeorras con 94 usuarios contaxiados, que supoñen catro máis que os 90 rexistrados hai unha semana. A continuación sitúase a área de Santiago e Barbanza, con 68 usuarios con Covid-19, que implican 23 máis que os 45 de hai unha semana; mentres que a de Vigo rexistra 57 contaxiados, 13 menos que os 44 do mércores anterior.
Séguelle a área de Ferrol, con 44 usuarios con Covid-19, que constitúen 19 máis que os 25 detectados hai unha semana; mentres que a de Lugo, A Mariña e Monforte rexistrou o maior descenso ao situarse con 39 infectados, que implican 47 menos que os 86 do mércores anterior.
MENOS DE 30 CASOS
Pola súa banda, a área sanitaria de Pontevedra e O Salnés rexistra 29 usuarios contaxiados con Covid-19, que representan 19 máis que os 10 infectados hai unha semana.
E á cola colócase a área Sanitaria da Coruña e Cee con 11 usuarios contaxiados con Covid-19, que constitúen 17 menos que os 28 detectados o mércores anterior, segundo os datos actualizados pola Xunta.
