A Coruña estará presente no Salón B-Travel de Barcelona con proxectos de "turismo industrial"
Por E.P. | A CORUÑA | 28/03/2022 | Actualizada ás 17:10
O vicepresidente da Deputación da Coruña e deputado de Turismo, Xosé Regueira, encabezará a delegación provincial que participará esta semana no Salón B-Travel, onde a institución coruñesa promocionará varios proxectos de turismo industrial. A feira, dedicada especificamente a este tipo de sector, terá lugar entre o 1 e o 3 de aril no recinto feiral de Montjuïc de Barcelona.
O día de apertura da feira, a Deputación da Coruña estará presente nas xornadas profesionais sobre o Museo de Estrela Galicia-MEGA, que estará a cargo do vicepresidente provincial, Xosé Regueira, e o director do museo, Rodrigo Burgos. A promoción dos recursos turísticos de carácter industrial completarase con material promocional que se ofrecerá na caseta da Deputación.
