Por E.P. | SANTIAGO DE COMPOSTELA | 29/03/2022 | Actualizada ás 18:13
O Diario Oficial de Galicia publica este martes a liña de axudas extraordinarias ao retorno da Secretaría Xeral da Emigración que contará cun orzamento de case 1,7 millóns e que terá como obxectivo axudar a facer fronte aos gastos extraordinarios da unidade familiar derivados do regreso a Galicia.
Como novidade, segundo destacou o secretario xeral da Emigración, Antonio Rodríguez Miranda, establécese unha axuda de 500 euros por unidade familiar destinados a facer fronte aos gastos derivados das primeiras xestións necesarias para facilitar o acceso a unha vivenda
As beneficiarias serían as persoas que, residindo fóra de España con nacionalidade española, se establezan en Galicia, tanto os nados na propia comunidade autónoma como os seus cónxuxes ou descendentes. A maiores, deben contar tamén con empadroamento en Galicia e residir legalmente no estranxeiro un mínimo de tres anos inmediatamente anteriores á data do seu retorno. A data de regreso debe ser a partir do 1 de xaneiro de 2020.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.