Axudas da Deputación da Coruña para actividades e investimentos no eido ambiental
O organismo provincial aprobou no último pleno un convenio co Concello de Camariñas para financiar as obras de reurbanización das rúas Ramón Noguera e Irmáns Fernández.
Por E.P. | A CORUÑA | 29/03/2022 | Actualizada ás 18:35
A Deputación da Coruña dará apoio ao desenvolvemento de actividades e investimentos no ámbito ambiental no 2022 con dúas liñas de axuda de 275.000 euros, segundo informa.
O Boletín Oficial da Provincia (BOP) publicou as bases reguladoras destas subvencións, que van dos 1.000 aos 15.000 euros por entidade beneficiaria. A través destas achegas poderanse financiar proxectos de voluntariado ambiental, de difusión e sensibilización e de conservación e protección do medio, así como actuacións vinculadas ao cambio climático, entre outras.
Noutra orde de cousas, a Deputación da Coruña aprobou no último pleno un convenio co Concello de Camariñas para financiar as obras de reurbanización das rúas Ramón Noguera e Irmáns Fernández. Por outra banda, o Plan Único da Deputación da Coruña financia a dotación dunha rede de saneamento aos núcleos de Pedrapadreiro, Marán e Campos, no concello de Zas.
