Por E.P. | PONTEVEDRA | 29/03/2022 | Actualizada ás 18:47
A Sección Cuarta da Audiencia Provincial de Pontevedra condenou a nove anos e tres meses de prisión a un acusado de maltratar e agredir sexualmente á súa parella, coa que estivo casado aproximadamente 28 anos ata 2019.
As maxistradas sinalan na sentenza que o comportamento do sospeitoso "foi consciente e directamente dirixido a minguar o libre desenvolvemento da vida e da persoa" de quen era a súa parella durante o momento dos feitos, "a quen fixo obxecto dos seus desexos e imposicións por medio da violencia, tanto psíquica como física".
Nos feitos probados dun fallo con data de 28 de marzo de 2022, recóllese que durante toda a convivencia matrimonial, "pero sobre todo transcorridos os oitos primeiros anos de matrimonio", era frecuente que o individuo humillase e insultase á muller. Tamén era habitual que, coa presenza das súas fillas no domicilio habitual, dese golpes, patadas e empuxóns á muller, á que agarrou polo pescozo e o pelo en varias ocasións. "Todo iso cunha frecuencia que dependía de como chegase de embriagado o acusado", relata o fallo.
Todo iso ocasionou na vítima un "sentimento permanente de medo e temor". Ademais, prohíbeselle aproximarse á vítima a menos de 100 metros nun prazo de 12 anos.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.