Galicia rexistra 960 novos casos e aumenta a taxa de positividade ao 17%
Unha nova vítima eleva a 3.211 as persoas falecidas pola pandemia en Galicia.
Por Europa Press / Redacción | SANTIAGO DE COMPOSTELA | 31/03/2022 | Actualizada ás 11:41
Galicia mantén a tendencia descendente de casos activos ao situarse en 19.218, que supoñen 369 menos que a xornada anterior, tras detectarse outros 960 contaxios --xa non se inclúen os de autotest co novo protocolo de vixilancia e control--, mentres que as persoas hospitalizadas baixan a 462, que implican tres menos. Pola súa banda, a taxa de positividade segue á alza en Galicia, e aumenta ao 17,21 por cento.
Segundo os datos actualizados este xoves pola Consellería de Sanidade, con rexistros ata as 18,00 horas do mércores, recollidos por Europa Press, descenden a 24 as persoas ingresadas en UCI pola Covid-19 en Galicia --unha menos-- e a 438 as hospitalizadas en unidades convencionais --dúas menos--, mentres que 18.756 pacientes se atopan en seguimento no seu domicilio. Hai unha semana --o xoves 24 de marzo-- había 448 hospitalizados, 23 deles en críticos.
Por áreas sanitarias, a presión hospitalaria alíviase en cinco das sete: A Coruña-Cee, Ourense, Vigo, Ferrol e Pontevedra-O Salnés; mantense na de Lugo; e aumenta na de Santiago-Barbanza. Así, na da Coruña e Cee seguen cinco pacientes Covid en UCI, pero baixan a 84 os ingresados noutras unidades --tres menos--; mentres que na de Ourense continúan cinco en críticos e descenden a 66 os doutras unidades --un menos--.
No caso da Ferrol segue un paciente ingresado en UCI por Covid e baixan a 42 os hospitalizados noutras unidades --cinco menos--; mentres que na área de Vigo, aínda que aumentan a tres os críticos --un máis--, caen a 73 os hospitalizados noutras unidades --dous menos--. Na área de Pontevedra e O Salnés mantéñense dous pacientes ingresados pola Covid en UCI e descenden a 52 os hospitalizados noutras unidades --un menos--; mentres que a de Lugo non rexistra cambios, con dúas persoas en críticos e 36 noutras unidades.
E na única área na que aumentan o total os hospitalizados é na de Santiago e Barbanza xa que, aínda que baixan a seis os pacientes Covid en UCI --dous menos--, aumentan a 85 os ingresados noutras unidades --dez máis--.
CASOS ACTIVOS EN DESCENSO
Por cuarta xornada consecutiva os casos activos seguen en descenso no conxunto de Galicia ao situarse en 19.218, que implican 369 menos, ao haber de novo máis altas (1.328) que contaxios (960), ao que se engade un óbito. Hai unha semana --o xoves 24 de marzo-- había 22.649 infeccións activas.
O descenso de casos é xeneralizado en seis das sete áreas sanitarias galegas, coa da Coruña e Cee á cabeza (-121), seguida da de Pontevedra e O Salnés (-67), Vigo (-64), Ferrol (-60), Santiago e Barbanza (-42) e Lugo (-18), mentres que na de Ourense ascenden lixeiramente (+9). Por tanto, con máis infeccións activas continúa a área da Coruña e Cee, con 4.000; seguida da de Vigo, con 3.591; Santiago e Barbanza, con 3.127; Lugo, con 2.283; Ourense, con 2.153; Pontevedra e O Salnés, con 2.137; e á cola segue a de Ferrol, con 1.861.
Segundo o último informe actualizado polo Ministerio de Sanidade este pasado martes 29 de marzo, a incidencia acumulada a 14 días en Galicia ascende a 975,87 casos por 100.000 habitantes, mentres que a media nacional sobe a 466,51.
MÁIS CONTAXIOS
Pola súa banda, os novos contaxios de Covid-19 aumentan a 960 na segunda xornada na que o Sergas non contabiliza os autotest positivos polo novo protocolo estatal de control e vixilancia deste coronavirus, tras os 770 deste mércores, o 1.291 do martes e comezar esta semana con 1.045 novos casos abertos nas últimas 24 horas. O xoves anterior --24 de marzo-- detectáronse 2.557.
Así, as persoas contaxiadas aumentan en Galicia a 549.529, dos cales 127.413 corresponden á área de Vigo; 114.758, á da Coruña e Cee; 86.820, á de Santiago e Barbanza; 65.918 á de Ourense; 63.168, á de Pontevedra e O Salnés; 58.284 á de Lugo; e 32.352, á de Ferrol. Este mércores pasado leváronse a cabo 2.567 PCR, o que eleva a 3.784.285 as probas deste tipo feitas desde o inicio desta pandemia en Galicia, e 2.712 test de antíxenos, que sitúan en 1.620.301 os feitos en Galicia, o que implica 5.279 entre ambas --unhas 203 menos que a xornada anterior--.
En canto á taxa de positividade --número de PCR positivas por cada 100 realizadas-- segue en aumento ata o 17,21 por cento, despois de subir ao 14,22% este mércores, tras situarse no 11,34% o martes e reducirse ao 7,7% no inicio desta semana. Por tanto, segue por encima do 5% que marca a OMS para dar por controlada a pandemia.
FALECIDOS E CURADOS
Desde o inicio desta pandemia 3.211 persoas faleceron en Galicia pola Covid-19 despois de notificar este xoves a Consellería de Sanidade outro óbito dunha persoa con patoloxías previas. En concreto, esta última vítima mortal rexistrouse o pasado 29 de marzo na área Sanitaria de Vigo e corresponde a unha muller de 71 anos de idade con patoloxías previas.
Polo seu lado, 527.156 persoas curáronse da Covid-19 desde o inicio desta crise sanitaria, despois de recibir a alta outras 1.328 na última xornada.
VACINACIÓN
Galicia supera o 93 por cento do conxunto da súa poboación con pauta completa contra a Covid-19 tras terminar o proceso outras 231 persoas na última xornada. Segundo os datos actualizados pola Consellería de Sanidade este xoves no 'Cronómetro de vacinación' con respecto á xornada de vacinación do mércores, recollidos por Europa Press, as doses administradas ascenden 6.613.834, despois de ser postas outras 487.
En canto ao proceso de vacinación infantil --os datos da Consellería de Sanidade non separan o grupo etario principal da poboación pediátrica en fase de inmunización de 5 a 11 anos-- foron vacinados ata a data 118.162 menores de 10 a 14 anos de idade e 89.294 de cinco a nove anos. Galicia mantense na cabeza da vacinación pediátrica contra a Covid-19, cun 53 por cento de crianzas de cinco a 12 anos con pauta completa, mentres que a media estatal se sitúa nun 35,6%.
