Prohibidas desde este martes as queimas agrícolas e forestais
As condicións meteorolóxicas poden dificultar o control dun posible incendio forestal. Os permisos que xa foron concedidos quedan suspendidos.
Por E.P. | SANTIAGO DE COMPOSTELA | 05/04/2022 | Actualizada ás 10:30
A Xunta prohibiu as queimas agrícolas e forestais de particulares desde este martes debido ás condicións meteorolóxicas, que poden dificultar o control dun posible incendio forestal. Así, a administración non outorgará máis permisos para realizar queimas agrícolas e forestais e os que xa foron concedidos quedan suspendidos.
Tan só quedan excluídas desta prohibición as queimas controladas que executa o Servizo de prevención e defensa contra os incendios forestais debidamente planificadas e que dispoñen dos medios de extinción precisos.
A Consellería do Medio Rural pediu colaboración da cidadanía para que extreme as precaucións e denuncie calquera actividade delituosa incendiaria da que se teña coñecemento. Ademais, lembrou que está a disposición da poboación o número de teléfono gratuíto 085, ao que deben chamar en caso de detectar algún incendio forestal.
