Por E.P. | A CORUÑA | 05/04/2022 | Actualizada ás 11:03
Unha persoa resultou atropelada cando cruzaba pola zona de acceso á AP-9 no Temple, no municipio coruñés de Cambre, segundo informou a Europa Press o 112.
Sobre as 10,15 horas, desde o 061 alertábase ao servizo de emerxencias do accidente e do traslado dunha ambulancia ao lugar dos feitos por unha persoa ferida. Polo sinistro, deuse aviso tamén aos Bombeiros de Arteixo, á Policía Local, á Garda Civil e ao servizo de Protección Civil, precisaron as mesmas fontes.
A ferida é unha muller de 50 anos que estaba a cruzar o paso de peóns localizado na entrada da autoestrada, apuntaron sobre o sucedido fontes municipais. Ademais, precisaron que foi trasladada a un centro hospitalario.
A Policía Local de Cambre que se desprazou á zona procedeu a regular o tráfico dadas as retencións que se orixinaron tras o sinistro.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.