Pontón acusa a PP e PSOE de emprender unha "caza de bruxas" pola postura do BNG sobre a guerra
"O que máis nos debe preocupar é que haxa unha solución ao problema tan grave que hai en Ucraína", di.
Por Europa Press / Redacción | SANTIAGO DE COMPOSTELA | 07/04/2022 | Actualizada ás 14:09
A portavoz nacional do BNG, Ana Pontón, acusou ao PP e ao PSOE de emprender unha "caza de bruxas" contra a súa organización pola postura que mantén sobre a invasión rusa de Ucraína.
"Temos dereito a expresar a nosa opinión aínda que non coincida coa maioritaria", manifestou a líder frontista a preguntas dos xornalistas este xoves en Santiago preguntada sobre a polémica en torno ao xesto do deputado do Bloque no Congreso Néstor Rego, que non aplaudiu a intervención do presidente ucraíno, Volodímir Zelenski, o pasado martes na Cámara baixa.
"O que máis nos debe preocupar é que haxa unha solución ao problema tan grave que hai en Ucraína", remarcou Pontón, "Paréceme moi triste que o PP e o PSOE usen a dor do pobo de Ucraína para atacar ao BNG", incidiu Pontón.
