A Coruña constitúe a comisión técnica de estudo para a posta en marcha dun operador enerxético municipal
A posta en marcha deste operador enerxético é froito do acordo entre a Marea Atlántica e o goberno local socialista, lembra o consistorio.
Por E.P. | A CORUÑA | 12/04/2022 | Actualizada ás 15:17
A comisión técnica para pór en marcha un operador enerxético municipal na Coruña constituíuse formalmente este martes cunha reunión de traballo no consistorio.
Segundo informa, está formada por persoal técnico municipal e conta con representación de Emalcsa (a empresa que asumirá a xestión do operador) e de todos os grupos políticos da Corporación, ademais de con o apoio de persoal investigador das universidades da Coruña e Santiago de Compostela.
A posta en marcha deste operador enerxético é froito do acordo entre a Marea Atlántica e o goberno local socialista, lembra o consistorio.
Será para promover a utilización de fontes de enerxía 100% renovables para loitar contra a pobreza enerxética e o cambio climático. Contará, tamén, cunha tarifa social dirixida a persoas sen recursos.
