Máis de cen novos refuxiados ucraínos chegarán a Galicia este venres da man dunha ONG
A ONG transporta tamén medicamentos e outros materiais necesarios ata Polonia en furgonetas e autobuses, que á volta traen a persoas refuxiadas ao noso país.
Por Europa Press / Redacción | SANTIAGO DE COMPOSTELA | 13/04/2022 | Actualizada ás 19:09
A ONG 'Sorrisos de Fe' xestionou o trasladado a Galicia de 147 refuxiados procedentes de Ucraína, segundo informaron nun comunicado. Prevese que cheguen á Comunidade este venres.
Aínda que a organización sempre se enfocou ao apoio no ámbito sanitario, como o acompañamento a persoas enfermas, "deu un xiro ante a gravidade do que está a suceder en Ucraína".
A ONG transporta tamén medicamentos e outros materiais necesarios ata Polonia en furgonetas e autobuses, que á volta traen a persoas refuxiadas ao noso país. Con todo, a asociación aclara que non acepta doazóns económicas para combater esta crise humanitaria.
Segundo explican, os puntos de conexión en Polonia son Varsovia e Cracovia, ademais de voluntarios máis preto da fronteira que entran para axudar no desprazamento de decenas de persoas que se están escondendo en adegas e que buscan alcanzar o país polaco.
