Por E.P. | SANTIAGO DE COMPOSTELA | 15/04/2022 | Actualizada ás 22:06
Un home de 59 anos faleceu este venres en Sanxenxo tras ser golpeado por unha embarcación mentres nadaba no mar. Segundo informa o 112, os feitos tiveron lugar na Praia de Silgar, uns minutos despois do seis. Nese momento, varias persoas particulares alertaron ao 112 Galicia do suceso.
Ao parecer, e en base á información facilitada polo Concello, o falecido, veciño da Coruña, nadaba con outra persoa e unha embarcación que non os viu, arroiouno. O seu compañeiro resultou ileso.
Desde o 112 púxose a situación en coñecemento de Salvamento Marítimo e do Servizo de Gardacostas de Galicia, que mobilizou o helicóptero Pesca I. Ademais, requiriuse a intervención de Urxencias Sanitarias de Galicia-061, da Garda Civil e do GES de Sanxenxo.
Unha embarcación particular, explican, recolleu á persoa e trasladouna ao porto de Sanxenxo, onde os servizos médicos desprazados só puideron confirmar o seu falecemento. Desde o Concello sinalan que, de producirse o accidente na zona de baño, esta aínda non está sinalizada por aboias. A Garda Civil investiga os feitos.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.