Por Europa Press / Redacción | SANTIAGO DE COMPOSTELA | 19/04/2022 | Actualizada ás 12:20
A conselleira de Infraestruturas e Mobilidade, Ethel Vázquez, cualificou de "insuficientes" as medidas do Goberno central ante a crise xerada pola guerra de Ucraína para garantir infraestruturas e obra pública. Unhas declaracións rechamantes dado que o Partido Popular se negou semanas atrás a construír máis vivenda pública na Comunidade xa que, segundo apuntaron entón, "non vai solucionar os problemas dos galegos".
Aínda así, a conselleira coincidiu nesta xornada cos representantes do sector na necesidade de "medidas consensuadas". "E dialogadas entre o sector, comunidades autónomas e Goberno de España, para que podamos aplicar unha revisión de prezos homoxénea", engadiu.
Respecto diso, asegurou que ve "un risco en obxectivos importantes de infraestruturas coas medidas que aprobou o Goberno". Delas, dixo que chegan "tarde" e que son "insuficientes". A conselleira indicou, ademais, que a Xunta aprobará na próxima semana medidas para "aplicar a revisión de prezos" mentres espera que por parte do Executivo central se amplíe" esa revisión" dos mesmos. "Fundamental e esencial para que a obra pública non se pare", dixo, aludindo ademais, á posible perda de postos de traballo.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.