Adeus ás máscaras en interiores: deixan de ser obrigatorias este mércores, pero a Xunta aconsella usalas nas aulas

O Consello de Ministros aprobou este martes un Real Decreto polo que o uso de máscaras deixará de ser obrigatorio en espazos interiores a partir deste mércores, tras ser publicado no Boletín Oficial do Estado (BOE). En rolda de prensa, a ministra de Política Territorial e portavoz do Executivo, Isabel Rodríguez, celebrou a medida, que "foi posible grazas a un traballo conxunto e un esforzo colexiado no que tivo que ver moito a estratexia de vacinación".

"É un día moi especial para o Goberno e o conxunto dos españois na loita contra o virus. Estamos a avanzar na normalidade. Mañá poderemos desprendernos en interiores das máscaras e mostrar os nosos rostros e os nosos sorrisos", aplaudiu.

Con todo, o conselleiro de Educación, Román Rodríguez, explicou este martes que a Xunta recomendará manter "voluntariamente" a máscara nas aulas "por precaución, por prudencia e por respecto".

O conselleiro remitiuse ás palabras que o luns pronunciou o responsable de Sanidade, indicando que unha vez que entre o vigor o decreto do Goberno central, a máscara no interior dos colexios non será obrigatoria, pero manterase a recomendación de utilizala.

"O decreto do Estado fixa claramente que pode ser retirada e nós, desde a Xunta, expomos que se poida manter voluntariamente a máscara dentro da aula", apuntou Román Rodríguez, que pediu facer caso das recomendacións dos expertos sanitarios.

Sobre a posibilitade de que os centros poidan obrigar a usala, o conselleiro lembrou que "para obrigar tes que ter un marco legal" e que, neste caso, "o marco legal está claro". No entanto, engadiu, se algún mozo ou neno "quere mantela", poderá facelo. "Recoméndase por prudencia, por responsabilidade e por respecto manter as medidas de precaución", resolveu.

POSTURA GALEGA

Neste escenario, o conselleiro de Educación de Galicia, Román Rodríguez, explicou este martes que a Xunta recomendará manter "voluntariamente" a máscara nas aulas "por precaución, por prudencia e por respecto".

A preguntas dos medios nun acto en Santiago, o conselleiro remitiuse ás palabras que o luns pronunciou o responsable de Sanidade, indicando que unha vez que entre o vigor o decreto do Goberno central, a máscara no interior dos colexios non será obrigatoria, pero manterase a recomendación de utilizala.

"O decreto do Estado fixa claramente que pode ser retirada e nós, desde a Xunta, expomos que se poida manter voluntariamente a máscara dentro da aula", apuntou Román Rodríguez, que pediu facer caso das recomendacións dos expertos sanitarios.

Sobre a posibilitade de que os centros poidan obrigar a usala, o conselleiro lembrou: "Para obrigar tes que ter un marco legal" e que, neste caso, "o marco legal está claro". No entanto, engadiu, se algún mozo ou neno "quere mantela", poderá facelo.