Por E.P. | PONTEVEDRA | 21/04/2022 | Actualizada ás 16:54
A Policía Nacional detivo a un home de 42 anos de idade e con múltiples antecedentes policiais, como presunto autor de varios roubos con forza en interior de vehículos en Pontedra. Foi enviado a prisión pola autoridade xudicial.
Segundo informou a Policía Nacional, o home violentou varios vehículos entre os días 14 e 15 de abril. Interceptóuselle cos obxectos subtraídos dos mesmos, obxectos que foron recoñecidos polos propietarios dos vehículos, que a medida que ían facer uso dos mesmos decatábanse de que foran forzados.
Por estes feitos, impútanselle ata cinco roubos con forza en interior de vehículo. Ademais, o sábado 16 de abril, foi identificado pola Policía Nacional tras atender a unha chamada por unha posible ocupación ilegal dun inmoble en Marín.
Os axentes policiais comprobaron que o home violentara o acceso a unha vivenda non habitada actualmente e no interior da casa acháronse algúns efectos dos que posteriormente se puido acreditar que proviñan de subtraccións no interior doutros vehículos.
SOPRENDIDO
Finalmente, na madrugada do luns 18 de abril, procedeuse de forma conxunta por parte da Policía Nacional e da Policía Local de Marín á detención do home cando subtraída efectos no interior doutro coche aparcado na Praza de España tras forzar a fechadura.
Foi trasladado á comisaría de Policía Nacional para a tramitación das dilixencias. Atribúenlle un total de nove subtraccións no interior de diferentes vehículos, algunhas delas roubos con forza e noutro caso trataríase de furtos, e vincúlano ademais con dúas tentativas de roubos con forza en establecementos comerciais de Marín durante estes pasados días de Semana Santa. Na mañá deste pasado mércores foi posto a disposición da autoridade xudicial, que decretou o seu ingreso en prisión.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.