Cooperativas de economía social de Santiago contarán con 40.000 euros para un programa de actividades este ano
Este programa, que ten como obxectivo cambiar a paradigma da economía, nace da colaboración da entidade de cooperativas e o Concello de Santiago.
Por E.P. | SANTIAGO DE COMPOSTELA | 21/04/2022 | Actualizada ás 17:02
O Concello de Santiago destina 39.000 euros á Unión de Cooperativas EspazoCoop co fin de que realice un programa de actividades relacionadas coa economía social ao longo deste ano.
Este programa, que ten como obxectivo cambiar a paradigma da economía, nace da colaboración da entidade de cooperativas e o Concello de Santiago. Ao acto de presentación acudiron o alcalde de Santiago de Compostela, Xosé Sánchez Bugallo, e a presidenta da Unión de Cooperativas EspazoCoop, Ana Oliveira.
A presidenta de EspazoCoop puxo en valor que a pandemia sacou á luz "a resiliencia e importancia" das persoas para a economía social e as empresas.
Ademais, presentou as dúas principais actividades do programa: traballo cos prescriptores de emprego e a visibilización das entidades de economía social. Dentro das actividades para dar a coñecer este labor, destaca unha ruta por distintas cooperativas existentes na cidade.
Para finalizar, Bugallo explicou que este programa responde o obxectivo marcado polo municipio de "diversificar" a "base económica".
