O Casino de Santiago prepárase para dar un premio literario con mensaxe contra a guerra

O presidente do club reivindica a defensa dunha Europa en paz nun certame cun só libro en galego entre os finalistas.

Por E.P. | SANTIAGO DE COMPOSTELA | 23/04/2022 | Actualizada ás 18:30

Comparte esta noticia

'Volver la vista atrás', de Juan Gabriel Vásquez; 'Amor en caso de emergencia', de Daniela Krien; 'La vida verdadera', de Adeline Dieudonné; 'Llévame a casa', de Jesús Carrasco; e 'O cervo e a sombra', de Diego Ameixeiras, son os finalistas da XVI edición do Premio Novela Europea Casino de Santiago.

Con motivo do Día do Libro, déronse a coñecer os finalistas deste galardón que organiza o Casino compostelán, cuxo presidente, Ubaldo Rueda, reivindicou a defensa dunha Europa "afastada da guerra e do odio", que vai dende o Atlántico aos Urales. Neste acto participaron, entre outros, a concelleira de Acción Cultural de Santiago, Mercedes Rosón, e o conselleiro de Cultura, Román Rodríguez, quen destaca "un incremento da edición de libros en Galicia", cun aumento da lectura por mor da pandemia.

"Unha das mellores maneiras de conmemorar este día é, sen dúbida, lendo, porque ter máis e mellores lectores é beneficios para reforzar o sector", asegura o conselleiro. Igualmente, o Casino presentou os paraugas ilustrados con de as dúas gañadoras do XV Premio Novela Europea, que foron para Almudena Grandes e Arantza Portabales.

Día do libro no Casino de Santiago. CASINO
Día do libro no Casino de Santiago. CASINO | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta