O turismo náutico galego creceu un 40% nos últimos dez anos
Por E.P. | Santiago de Compostela | 25/04/2022 | Actualizada ás 16:34
O vicepresidente primeiro da Xunta, Alfonso Rueda, asinou este luns co presidente da Asociación de Náuticos de Galicia, Javier Ruíz de Cortázar, un convenio de colaboración para a promoción e comercialización do turismo náutico en Galicia, modelo polo que aposta o Goberno galego para a promoción da Galicia litoral e dos Camiños do Mar.
Durante o acto, Alfonso Rueda destacou que o turismo náutico xa era unha potencia antes da pandemia, cun incremento do 40% no número de embarcacións nos últimos dez anos, e supón agora un gran revulsivo, xa que se axusta ao modelo de turismo de calidade, seguro e sustentable que buscan os turistas do século XXI. "A Galicia espéranlle grandes proezas no turismo náutico", dixo o vicepresidente primeiro.
