A firma de hipotecas en Galicia queda lonxe da media estatal

Baixa un 3% en febreiro, a pesar de que no total de España sobe un 14,6%.

Por E.P. | VIGO | 27/04/2022 | Actualizada ás 11:25

Comparte esta noticia

O número de hipotecas constituídas sobre vivendas diminuíu un 3% en Galicia o pasado mes de febreiro respecto ao mesmo mes de 2021, ata situarse nos 1.241 préstamos, segundo datos publicados este mércores polo Instituto Nacional de Estatística (INE), recollidos por Europa Press.

Así, Galicia sitúase moi por baixo da media estatal, xa que no total de España a firma de hipotecas sobre vivendas subiu un 14,6% en febreiro, ata 36.537 unidades. Só catro comunidades rexistraron descensos: Navarra (-2,3%), Galicia (-3%), Asturias (-4,6%) e Aragón (-7,1%).

En comparación con xaneiro, o número de hipotecas galegas caeu un 7,2%. Pola súa banda, o capital prestado ascendeu un 5,8% en comparación con febreiro do exercicio anterior, mentres que diminuíu un 3,8% se se ten en conta o dato de xaneiro, ata 138,7 millóns de euros. Así mesmo, houbo 1.783 hipotecas concedidas a leiras, das cales 50 eran leiras rústicas. O capital total concedido foi de 238,4 millóns de euros.

Importe das hipotecas galegas sobre vivendas de febreiro.. EP DATA
Importe das hipotecas galegas sobre vivendas de febreiro.. EP DATA | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta