Xulgan un fisioterapeuta por agresión sexual a unha paciente

A sección primeira da Audiencia de Provincial da Coruña celebrará o xoves, día 5, ás 10,00 horas, o xuízo contra un fisioterapeuta acusado de agredir sexualmente unha paciente nunha clínica de partido xudicial de Carballo. Tamén se lle imputan dous delitos de abuso sexual.

Por estes feitos, segundo recolle o escrito de cualificación fiscal, o Ministerio Público pide unha pena de 11 anos de prisión polo primeiro delito e tres anos de cárcere por cada un dos outros dous. Nel, especifícase que o procesado foi contratado por unha clínica onde exerceu como fisioterapeuta desde maio de 2020. Alí coñeceu á vítima, tras un accidente de tráfico da muller que requiriu tratamento.

Nas primeiras sesións, en outubro, segundo Fiscalía, non se produciu ningún incidente. Con posterioridade, noutra sesión cando a muller se atopaba de costas sobre a padiola de masaxe, asegura que o acusado "nun momento determinado, con ánimo de satisfacer os seus desexos" realizoulle tocamentos, respondendo, ante as queixas dela, que fora "sen querer".

A pesar do seu malestar co sucedido, a muller acudiu ás sesións onde houbo outros tocamentos, argumentando el que era parte do tratamento. Noutro momento das sesións, consumou a agresión sexual, a pesar da oposición dela, relata Fiscalía. A vítima, que presentaba problemas emocionais polo falecemento dun fillo, non chegou a contar nada ao seu marido ata que se produciron estes últimos feitos e presentou denuncia.

Audiencia Provincial da Coruña.